ਪਹਿਲਾਂ ਤਾਂ ਉਹ ਕਦੇ ਕਦੇ ਹੀ ਗੇੜਾ ਮਾਰਦਾ ਸੀ ਪਰ ਹੁਣ ਜਦੋਂ ਵਕਤ ਹੀ ਬੀਤ ਗਿਆ। ਰੋਜ਼ ਹੀ ਆ ਜਾਂਦਾ ਹੈ। ਜਿਵੇਂ ਇਕੱਲੇ ਦਾ ਦਿਲ ਨਾਂ ਲੱਗਦਾ ਹੋਵੇ। ਜਦੋਂ ਵਕਤ ਸੀ ਉਦੋਂ ਵੇਲ ਨਹੀਂ ਸੀ ਤੇ ਹੁਣ ਵੇਲ ਹੈ ਪਰ ਵਕਤ ਰਾਤ ਬਰਾਤੇ ਦੇ ਮਲੰਗਾਂ ਨਾਲ ਰੁੱਝ ਗਿਆ ਹੈ।

ਸੁਪਨੇ ਵਿੱਚ ਆਉਣ ਵਾਲਾ ਮਲੰਗ ਉਹੋ ਜਿਹਾ ਹੀ ਜਿਹੋ ਜਿਹੀ ਤਸਵੀਰ ਜ਼ਹਿਨ ਵਿੱਚ ਵਸੀ ਹੋਈ ਹੈ, ਇਹ ਤੇ ਬੜਾ ਟੌਹਰੀ ਮਲੰਗ ਹੈ।

ਅੱਜ ਫੇਰ ਮੈ ਪੁੱਛ ਬੈਠਾ ,ਮਲੰਗ ਭਾਅ, ਹੁਣ ਦਿਲ ਜਿਹਾ ਨਹੀਂ ਲੱਗਦਾ। ਕੋਈ ਪਿਆਰ ਨਹੀਂ ਕਿਸੇ ਨਾਲ,ਕੋਈ ਦੋਸਤੀ ਨਹੀਂ ਕੋਈ ਅਪਣੱਤ ਨਹੀਂ ਇੰਜ ਲਗਦੇ ਭਾਵਨਾ ਮਰ ਗਈ ਹੈ।

ਮਲੰਗ ਮੁਸਕਰਾਇਆ ਜਿਵੇਂ ਸਾਰੀ ਦੁਨੀਆ ਮੁਸਕਰਾਉਂਦੀ ਹੈ ਜਦੋਂ ਵੀ ਕੋਈ ਸੁਆਲ ਖੜਾ ਹੋ ਜਾਵੇ।

“ਕੀ ਤੁਸੀਂ ਵਿਆਹੇ ਹੋ ਪਰ ਭਾਵਨਾ ਮਹਿਸੂਸ ਨਹੀਂ ਕਰਦੇ?” ਮਲੰਗ ਨੇ ਪੁੱਛਿਆ।

“ਜੀ ਮਲੰਗ ਜੀ, ਇੱਜ਼ਤ ਬਹੁਤ ਹੈ ਪਰ ਭਾਵਨਾ ਨਹੀਂ ਮਹਿਬੂਬ ਵਾਲੀ।“

“ਇਹ ਤੇ ਬੜਾ ਮਾਮੂਲੀ ਸੁਆਲ ਹੈ। ਤੁਹਾਡੇ ਕੋਲ ਜਾਂ ਤੁਹਾਡੇ ਵੱਲੋਂ ਬਹੁਤ ਸਾਰੇ ਸੁਆਲ ਪੁੱਛੇ ਜਾ ਸਕਦੇ ਹਨ। ਹੋਰ ਕੋਈ ਨਾਂ ਪੁੱਛੇ ਤੁਸੀਂ ਆਪ ਤੇ ਆਪਣੇ ਨੂੰ ਪੁੱਛ ਹੀ ਸਕਦੇ ਹੋ। ਤੁਹਾਡੇ ਕੋਲ ਜੁਆਬ ਹੁੰਦਾ ਵੀ ਹੈ ਤੇ ਨਹੀਂ ਵੀ। ਜਦੋਂ ਜੁਆਬ ਨਹੀਂ ਹੁੰਦਾ ਤਾਂ ਤੁਸੀਂ ਦੋ ਕੰਮ ਕਰਦੇ ਹੋ। ਤੁਸੀਂ ਕੁੱਝ ਵੀ ਕਰ ਸਕਦੇ ਹੋ। ਕੰਮਫਰਡ ਜ਼ੋਨ ਸਭ ਤੋਂ ਸੌਖਾ ਤਰੀਕਾ ਹੈ। ਜੋ ਚੱਲ ਰਿਹਾ ਹੈ ਉਸ ਨੂੰ ਚੱਲਣ ਦੇਵੋ।

ਦੂਜਾ ਰਾਹ ਹੈ ਕੀ ਕੀਤਾ ਜਾਵੇ? ਕੀ ਤੁਹਾਨੂੰ ਸੋਚ ਬਦਲਣ ਦੀ ਲੋੜ ਹੈ ਜਾਂ ਜੀਵਨ-ਸ਼ੈਲੀ? ਕੁੱਝ ਵੀ ਬਦਲਣ ਤੋਂ ਪਹਿਲਾਂ ਇਹ ਜਾਣਨਾ ਜ਼ਰੂਰੀ ਹੈ ਕਿ ਤੁਹਾਡਾ ਧਰਾਤਲ ਕੀ ਹੈ ਤੇ ਤੁਹਾਡਾ ਨਜ਼ਰੀਆ ਕੀ ਹੈ?

ਤੁਸੀਂ ਕਿਹੋ ਜਿਹੀ ਪਤਨੀ ਦੀ ਤਲਾਸ਼ ਵਿੱਚ ਸੀ? ਭੁੱਲ ਜਾਵੋ ਆਪਣੀ ਮਹਿਬੂਬਾ ਨੂੰ, ਉਹ ਵੀ ਤੁਹਾਡੀ ਪਤਨੀ ਵਰਗੀ ਹੀ ਹੋਣੀ ਸੀ। ਸੰਤੁਸ਼ਟ ਤੁਸੀਂ ਹੋਣਾ ਹੀ ਨਹੀਂ ਸੀ ਕਿਉਂਕਿ ਇਹ ਤੁਹਾਡੇ ਹਿੱਸੇ ਨਹੀਂ ਆਇਆ। ਕਾਰਨ ਸ਼ਾਇਦ ਇਹ ਹੈ ਕਿ ਤੁਸੀਂ ਔਰਤ ਨਾਲ ਨਹੀਂ ਸਗੋਂ ਆਪਣੇ ਆਪ ਨਾਲ ਰਹਿਣ ਦੇ ਆਦੀ ਹੋ। ਤੁਹਾਡੀਆਂ ਆਦਤਾਂ, ਸੁਭਾਅ ਤੇ ਸੋਚ ਵਿੱਚ ਸਿਰਫ਼ ਤੁਸੀਂ ਆਪ ਹੀ ਹੋ।

ਔਰਤਾਂ ਭਾਵਨਾਤਮਕ ਸੰਬੰਧਾਂ ਨੂੰ ਲੋਚਦੀਆਂ ਹਨ। ਤੁਹਾਨੂੰ ਸ਼ਾਇਦ ਇਹ ਪਤਾ ਨਹੀਂ ਹੈ ਜਾਂ ਤੁਸੀਂ ਇਸ ਮਸਲੇ ਨੂੰ ਜ਼ਰੂਰੀ ਨਹੀਂ ਸਮਝ ਦੇ ਜਾਂ ਤੁਹਾਡੇ ਕੋਲ ਸਮਾਂ ਹੀ ਨਹੀਂ ਹੈ।

ਅਲਾਰਮ ਲਾਉਣ ਤੋਂ ਲੈਕੇ ਅਲਾਰਮ ਵੱਜਣ ਤੱਕ ਇੱਕ ਦਿਨ ਦੀ ਦੁਨੀਆ ਬੀਤ ਜਾਂਦੀ ਹੈ। ਇਹ ਬੀਤੀ ਹੋਈ ਦੁਨੀਆ ਤੁਹਾਡੀ ਆਪਣੀ ਹੈ। ਇੱਕ ਦਿਨ ਦੀ ਦੁਨੀਆ ਦੇ ਸਮੇਂ ਨੂੰ ਅਸੀਂ ਵੰਡ ਰੱਖਿਆ ਹੈ। ਤੁਸੀਂ ਪਤਨੀ ਨਾਲ ਪਿਆਰ ਵੀ ਕਰਦੇ ਹੋ, ਸਰੀਰਕ ਨੇੜਤਾ ਨੂੰ ਵਿਕਸਤ ਕਰਨ ਦੇ ਉਪਾਅ ਵੀ ਸੋਚਦੇ ਕਰਦੇ ਹੋ,ਪਿਆਰ ਵਿੱਚ ਵਧਣਾ ਜਾਰੀ ਰਹੇ,ਇਹ ਵੀ ਸੋਚਦੇ ਹੋ ਪਰ ਭਾਵਨਾ ਦਾ ਘੁਲ ਮਿਲ ਜਾਣਾ ਕਿੱਥੇ ਹੈ? ਕਿਤੇ ਵੀ ਨਹੀਂ। ਤੁਸੀਂ ਤੇ ਅਹਿਸਾਨ ਕਰ ਰਹੇ ਹਾਂ,ਹਰ ਉਸ ਵਿਅਕਤੀ ਤੇ ਜੋ ਸਾਡੇ ਦਿਨ ਨਾਲ ਖਹਿ ਕੇ ਲੰਘਦਾ ਹੈ।

ਜਲਦੀ ਜਾਂ ਦੇਰ ਨਾਲ ਕੁੱਝ ਪਨਪਦਾ ਹੈ ਕਿ ਤੁਸੀਂ ਬਹੁਤ ਇਕੱਲੇ ਹੋ ਤੇ ਇਸ ਦਾ ਕਾਰਨ,ਤੁਹਾਡਾ ਪਤੀ/ਪਤਨੀ ਹੈ। ਇੰਜ ਤੁਸੀਂ ਸੋਚਦੇ ਹੋ ਕਿਉਂਕਿ ਕਿਸੇ ਹੋਰ ਤੇ ਤੁਹਾਡਾ ਜ਼ੋਰ ਨਹੀਂ ਚਲ਼ ਦਾ।

ਜੈਡਰੀ ਕਲਪਿਤ ਚਿਹਰਾ ਤੁਹਾਡੇ ਅੰਦਰ ਉਘਣ ਲੱਗ ਪੈਦਾ ਹੈ ਜੋ ਤੁਹਾਡੇ ਪਾਰਟਨਰ ਨੂੰ ਧੱਕੇ ਮਾਰਦਾ ਦਿਸਦਾ ਹੈ।

ਅਜਿਹੀ ਸਥਿਤੀ ਜਿੱਥੇ ਤੁਸੀਂ ਭਾਵਨਾਤਮਕ ਤੌਰ ‘ਤੇ ਆਪਣੇ ਪਤੀ/ਪਤਨੀ ਵੱਲ ਆਕਰਸ਼ਿਤ ਨਹੀਂ ਹੋ ਰਹੇ।

ਕੰਮਫਰਡ ਜ਼ੋਨ ਅਜੇ ਵੀ ਜ਼ਿੰਦਾ ਹੈ ਤੇ ਆਈ ਚਲਾਈ ਹੋ ਰਹੀ ਹੈ।

ਇਹੋ ਜਿਹੀ ਸਥਿਤੀ ਵਿੱਚ ਅਸੀਂ ਬੱਚਿਆ ਦਾ ਬਹਾਨਾ ਬਣਾਉਣ ਤੋਂ ਵੀ ਨਹੀਂ ਕਤਰਾਉਂਦੇ। ਸਭ ਕੁੱਝ ਬੱਚਿਆਂ ਦੀ ਭਲਾਈ ਲਈ ਕਰ ਰਹੇ ਹੋ, ਪਰ ਬੱਚੇ ਤੇ ਸਿਰਫ਼ ਬਹਾਨਾ ਹੈ। ਅਸਲ ਵਿੱਚ ਮਾਰਗ ਤੁਹਾਡੀ ਸਮਝ ਤੋਂ ਬਾਹਰ ਹੋ ਗਿਆ ਹੈ। ਹੁਣ ਤੂੰ ਆਰਾਮ ਕਰ, ਮੈ ਤੇਰੇ ਗੁਆਂਢੀਆ ਕੋਲ ਵੀ ਜਾਣਾ ਹੈ।