ਸਾਡਾ ਵੀ ਰੁਟੀਨ ਹੈ, ਅਸੀਂ ਵੀ ਮੱਥਾ ਟੇਕਣਾ ਹੈ। ਅਸੀਂ ਵੀ ਦਿਨ ਸ਼ੁਰੂ ਕਰਨਾ ਹੈ। ਕਦੇ ਕਦੇ ਮੰਨ ਉਚਾਟ ਤੇ ਹੋ ਜਾਂਦਾ ਹੈ ਪਰ ਕਦੇ ਕਦੇ ਦੁਖੀ ਹੋਕੇ ਰੋਸ ਨਾਲ ਭਰ ਜਾਂਦਾ ਹੈ।
ਕੀ ਅਸੀਂ ਸਿਰਫ ਇੰਟਰਨੈਸ਼ਲ ਡੇਅ ਮਨਾਉਣ ਜੋਗੇ ਹਾਂ? ਹਾਂ ਕਿਉਂ ਨਹੀ? ਇਸ ਨਾਲ ਹੀ ਤੇ ਸਾਡੀ ਨਬਜ਼ ਚਲਦੀ ਹੈ। ਫਰਕ ਸਿਰਫ ਇਤਨਾ ਹੈ ਕਿ ਅਸੀਂ ਦੋ ਵਕਤ ਖਾਣਾ ਖਾ ਲੈਂਦੇ ਹਾਂ ਤੇ ਧਨੁਸ਼ਧਾਰੀ ਸਮੁੰਦਰ ਵੀ ਪੀ ਲੈਂਦੇ ਹਨ ਤਾਂ ਕੋਈ ਮੱਛੀ ਉਜ਼ਰ ਨਹੀ ਕਰਦੀ।
ਮੈ ਇੱਕ ਪਾਖੰਡੀ ਹਾਂ ਤੇ ਪਾਖੰਡੀ ਦੀ ਇੱਕ ਆਦਤ ਹੁੰਦੀ ਹੈ ਕਿ ਉਹ ਗੱਲ ਗੱਲ ਤੇ ਇਮੋਸ਼ਨਲ ਹੋ ਜਾਂਦਾ ਹੈ।
ਲੈਨਿਨ ਦਾ ਬੁੱਤ ਤੋੜ ਦਿੱਤਾ। ਉਸ ਲੈਨਿਨ ਦਾ ਜਿਸ ਬਾਰੇ ਮਹਾਤਮਾ ਗਾਂਧੀ ਨੇ ਵੀ ਚੰਗਾ ਹੀ ਕਿਹਾ ਸੀ। ਉਹ ਲੈਨਿਨ ਜਿਸਦੀ ਕਿਤਾਬ, ਭਗਤ ਸਿੰਘ ਉਦੋਂ ਪੜ੍ਹ ਰਿਹਾ ਸੀ ਜਦੋਂ ਸਰਕਾਰੀ ਫਾਂਸੀ ਦਾ ਆਰਡਰ ਲੈਕੇ ਦੂਤ ਆਇਆ ਸੀ।
ਚਲੋ ਜੀ ਸਮਾਂ ਹੋ ਗਿਆ।
ਬਸ ਦੋ ਸਫੇ ਰਹਿੰਦੇ ਹਨ ਕੀ ਪੜ੍ਹ ਲਵਾਂ?
?”ਨਹੀ ਹੁਣ ਵਕਤ ਨਹੀ ਹੈ।“
“ਚਲੋ ਵਰਕਾ ਮੋੜ ਲੈਂਦਾ ਹਾਂ, ਫੇਰ ਕਿਤੇ ਪੜ੍ਹ ਲਵਾਂਗਾ। ਵੈਸੇ ਇਸ ਵਕਤ ਇੱਕ ਕਰਾਂਤਕਾਰੀ ਦੂਜੇ ਕਰਾਂਤੀਕਾਰੀ ਨੂੰ ਮਿਲ ਰਿਹਾ ਸੀ।
“ਅੱਜ ਸਤਾ ਦਾ ਗਲਿਆਰਾ ਕਹਿ ਰਿਹਾ ਹੈ ਕਿ ਇਸਨੂੰ ਕਮਿਉਨਿਸਟ,ਆਪਣੇ ਹੈੱਡਕੁਆਟਰ ਦੇ ਅੰਦਰ ਰਖਣ ਤੇ ਉੱਥੇ ਹੀ ਇਸਦੀ ਪੂਜਾ ਕਰਨ।“
“ ਖੁਲੇ ਵਿਚ ਤੇ ਪੂਜਾ ਸਿਰਫ ਰਾਮ ਲਲਾ ਦੀ ਹੋਵੇਗੀ,ਇਹ ਹੀ ਭਾਰਤ ਦੇ ਲੋਕਾਂ ਦੀ ਆਸਥਾਂ ਹੈ ਜੇ ਇਨ੍ਹਾਂ ਭਾਵਨਾਵਾਂ ਦੀ ਅਵਹੇਲਨਾ ਹੋਈ ਤਾਂ ਭਾਰਤ ਵੀ ਸੀਰੀਆ ਬਣ ਜਾਵੇਗਾ।
ਜਦੋਂ ਤ੍ਰਿਪੁਰਾ ਵਿਚ 11ਲੋਕਾਂ ਦਾ ਕਤਲ ਹੋਇਆ ਸੀ ਤਾਂ ਉਦੋਂ ਵਾਮਪੰਥੀ ਕਿੱਥੇ ਸਨ? ਇਹ ਸਿਲਸਿਲਾ ਨਿਰੰਤਰ ਜਾਰੀ ਹੈ।
ਮਾਡਰਨ ਬਾਂਦਰ ਦੀ ਪੂਛ ਨਹੀ ਰਹੀ,ਇਵੇਂ ਹੀ ਲੋਕਾਂ ਕੋਲੋਂ ਵੀ ਵੋਟ ਵਾਲੀ ਪੂਛ ਖੁਸ ਜਾਣੀ ਹੈ।
ਫਾਸ਼ੀਵਾਦ ਦਾ ਡਾਕਟਰ ਇਸਦਾ ਪੋਸਟ ਮਾਰਟਮ ਨਹੀ ਹੋਣ ਦੇਵੇਗਾ।
ਛੇਵਾਂ ਦਰਿਆ 
Leave a comment